急求《傻哥买鸡》的广东话版歌词

对话部分
男﹕唉事头婆，我想买只鸡，炖畀我老婆食，有无呀？
女﹕哦阿傻哥，有有有，包你靓o添。
男﹕啊唉呢，呢只系马拉鸡呀！
女﹕吖，你铺话法吖，正式XX货(XX听下去应该是加蓝,加榄或加兰，可能是以前的行业术语或盛产鸡的地名)，益食家o添呀！
男﹕真嘅？
女﹕熟客仔，无呃你嘅，唔信你睇吓喇。
男﹕啊唉，唔好嘅，依呢只亦都系唔好嘅。呀呢只靓呀！
女﹕哎吔傻哥呢只系鸭嚟架！
男﹕吓？
女﹕呢只至系呀，你睇吓喇。
男﹕呢只系鸭唔系鸡呀？

唱歌部分
女﹕又靓又正又正又靓睇过至买喇。
男﹕自赞系正自赞系靓纸扎下巴。
女﹕并无并无相欺，我未自夸，肥嫰软骨睇见未啊。
男﹕啊啊分明系流嘢、分明橡皮鸡。
女﹕乱咁讲说话，定会甩牙。
男﹕唉曳曳曳曳，唔系好嘢。
女﹕肥系盏呀睇真未呀？
男﹕肥又点呀打针之嘛！

男﹕又要又要又要又要摸吓佢喇，嘻嘻嘻。
女﹕莫过莫过莫过莫过讲到咁肉麻。
男﹕又怕又怕打针。
女﹕你老定喇，唔系曳噃。
男﹕讲吓系嘛。啊，分明买曳嘢。
女﹕招牌认明喇！
男﹕又怕煲半日，o赵到依牙，唉曳曳曳曳，唔系想买噜。
女﹕平买畀你，拣啱未呀？
男﹕平就谂吓。
女﹕一於减价。

女﹕买到剩尾又跌大价抵你买喇。
男﹕又怕又怕又怕又怕黐跌只大牙。
女﹕实际实际不欺，你系食家。
男﹕唔系正嘢。
女﹕讲笑系嘛？
男﹕唔...虽然话平咋，分明撑泥沙，大裤鸡碎袋。
女﹕贱过豆芽。唉吔吔吔吔，唔在讲价。
男﹕平就谂吓。
女﹕收番十块。
男﹕唔系抵买谂真先噜。